Անի պարախումբը հանրութեան կը ներկայանայ երէցներու երկու խումբերով, ինչպէս նաեւ 5-17 տարիքները ընդգրկող մանուկներու եւ պատանիներու տարբեր խմբակներով, որոնք բոլորով կը պատրաստեն Անի պարախումբի տարեկան ելոյթները։ Պարախումբը եւ Սանահին մասնաճիւղը անդամ են Գանատայի այլազան մշակոյթները ներկայացնող Folklore Canada կազմակերպութեան, եւ կը մասնակցին վերջինիս ձեռնարկներուն:
Շաբաթ Յունիս 1, 2024-ին, Մոնթրէալի Հայ Կեդրոնին մէջ, տեղի ունեցաւ Hamazkayin ANI Dance Ensemble-ի կրտսերներու տարեկան ելոյթի առաջին բաժինը, գեղ. ղեկավար՝ Լեւոն Արապեանի։