• Dawn of Christianity

    Hari Ketenjian

  • Current Affair

    Taleen Hacikyan

  • Dreaming of You, A Sax Duet for You and I. All Blues

    Berge Missakian

  • Sunny Still Life

    Berdj Tchakedjian

  • Sculptures

    Garen Bedrossian

  • Sunday Morning

    Bedros Aslanian

  • Still Life(Le Bouqet)

    Joseph Mandalian

  • Vital Movements

    Garen Bedrossian

  • Conception Immaculée

    Diane Babayan

  • Modern Man (diptych)

    Krikor Agopian

  • Magical Moment

     Jack Jelilian

  • Sculptures

    Garen Bedrossian

  • Les Musiciens

    Baydzar Avedikian

  • Jazz up in Cordoba

    Berge Missakian

  • The Red Roof

    Hagop Khoubesserian

  • Illiad

    Zorair Atabekian

  • Spring Fever

     Leo Faridani

  • Monastery of Holy Virgins Ani, Alix/Elo Der Melkonian

  • Off Queen Street, Arto Yuzbasiyan

  • Soft Night, Serge Deherian

  • Reclining Figure

    Hagop Khoubesserian

 

Երեքշաբթի 10 Ապրիլի առաւօտեան ժամը 10:00-ին, Մոնթրէալի Համազգայինի «Թէյ, սուրճ եւ կարծիքներ» ակումբը Հայ Կեդրոնի Աւետիս Ահարոնեան սրահէն ներս հիւրընկալեց 47 արուեստասէրներ, , որոնք հաւաքուած էին միասնաբար ուղղուելու դէպի Մոնթրէալի Գեղարուեստի թանգարանը, ուր տեղի կ'ունենար Napoleon-ի ցուցահանդէսը։ Սուրճի եւ խմորեղէնի շուրջ, ներկաներուն բարի գալուստի խօսքը փոխանցեց ակումբի պատասխանատու ընկհ. Տիրուկ Մանճիկեանը եւ ապա հրաւիրեց Դոկտ. Այտա Պուճիքանեանը որպէսզի ցուցահանդէսին մասին պատմական տեղեկութիւններ փոխանցէ այցելուներուն։

Դոկտ. Պուճիքանեան իր խօսքին մէջ ըսաւ, թէ Napoleon-ի այս ցուցահանդէսը կը վերաբերի միայն 1804-ի իր կայսերական թագադրութեան: Այդ ժամանակաշրջանին, ինք  արդէն 1796-էն ի վեր ամուսնացած էր Joséphine de Beauharnais-ի հետ: Ցուցահանդէսի պարունակութիւնը կը շարունակուի  մինչեւ իր աքսորը՝ 1815 թուական։ Հետեւաբար կայսրութիւնը կը տեւէ մօտ 10-ը տարիներ: Waterloo-ի պարտութենէն ետք ան երկրորդ անգամ ըլլալով կ'աքսորուի, այս անգամ Անգլիոյ պատկանող Ste Hélène կղզիին վրայ ուր իր մահկանացուն կը կնքէ 1821-ին: Ան անդրադարձաւ նաեւ Napoleon-ի երկու հայ Մէմլուք պահակներուն մասին, որոնք բնիկ Ղարաբաղցի եղած էին՝ Ռազա Ռուստամն ու Պետրոս Աբէսսովը։

Թանգարանին մէջ այցելուները վայելեցին բազմաթիւ դիմանկարներ, որոնց կարգին էր Napoleon-ի վիթխարի  դիմանկարը սրահին մայր մուտքին: Կային նաեւ իր ընտանիքի անդամներուն, ներառեալ իր զաւկին ու երկու կողակիցներուն բազմաթիւ դիմանկարները: Արուեստի գործերու կարգին էին ոսկիէ անօթներ, ոսկեղէններ ու Sévres-ի ճենապակիներ, բծախնդրօրէն զետեղուած խնճոյքի սեղաններուն վրայ։ Կային նաեւ բազմաթիւ պատի զարդարանքներ, մետաքսեայ գործուածքներ ու գորգածածկ բազկաթոռներ:

Համազգայինի «Թէյ, սուրճ եւ կարծիքներ» ակումբի կազմակերպած սոյն այցը մեծ խանդավառութիւն ստեղծեց այցելուներուն մօտ, որոնք բարձր գնահատեցին մշակութային գոհունակութիւն ներշնչող այս միջոցառումը եւ հաճելի յիշատակներով վերադարձան տուն, դարձեալ նմանօրինակ ձեռնարկի մը ներկայ գտնուելու յոյսով։

«Սանահին» մասնաճիւղի վարչութիւն