• Dawn of Christianity

    Hari Ketenjian

  • Current Affair

    Taleen Hacikyan

  • Dreaming of You, A Sax Duet for You and I. All Blues

    Berge Missakian

  • Sunny Still Life

    Berdj Tchakedjian

  • Sculptures

    Garen Bedrossian

  • Sunday Morning

    Bedros Aslanian

  • Still Life(Le Bouqet)

    Joseph Mandalian

  • Vital Movements

    Garen Bedrossian

  • Conception Immaculée

    Diane Babayan

  • Modern Man (diptych)

    Krikor Agopian

  • Magical Moment

     Jack Jelilian

  • Sculptures

    Garen Bedrossian

  • Les Musiciens

    Baydzar Avedikian

  • Jazz up in Cordoba

    Berge Missakian

  • The Red Roof

    Hagop Khoubesserian

  • Illiad

    Zorair Atabekian

  • Spring Fever

     Leo Faridani

  • Monastery of Holy Virgins Ani, Alix/Elo Der Melkonian

  • Off Queen Street, Arto Yuzbasiyan

  • Soft Night, Serge Deherian

  • Reclining Figure

    Hagop Khoubesserian

 

Սփիւռքի եւ առհասարակ հայկական իրականութեան մշակութային կեանքին մէջ անգնահատելի է Համազգային հայ կրթական եւ մշակութային միութեան «Բագին» գրական հանդէսին դերը:

«Բագին»-ի անդրանիկ թիւը լոյս տեսած է 1962-ին Պէյրութի մէջ` խմբագրութեամբ Կարօ Սասունիի: Տարբեր տարիներու ամսագիրի խմբագիրները եղած են` Եդուարդ Պոյաճեանը, Պօղոս Սնապեանը, Յակոբ Պալեանը, իսկ 2016-ին այդ պատասխանատուութիւնը ստանձնեց երիտասարդ գրող, մանկավարժ Սոնիա Քիլեճեան-Աճեմեանը:

«Բագին»-ի 55-ամեայ յոբելեանը հայրենիքի մէջ նշուեցաւ 22 Սեպտեմբեր 2018-ին` «Ակումբ» սրահին մէջ` զրոյց-քննարկումով, որուն ներկայ էին «Բագին»-ի խմբագիրը, խմբագրական խորհուրդէն անդամներ, Կեդրոնական վարչութեան անդամներ, ինչպէս նաեւ` մտաւորականներ եւ մշակութասէրներ:

Բացման խօսքով հանդէս եկաւ գրականագէտ, «Բագին»-ի խմբագրական խորհուրդի անդամ Արքմենիկ Նիկողոսեանը, որ նաեւ օրուան հանդիսավարն էր: Համազգայինի Կեդրոնական վարչութեան անդամ, «Բագին»-ի խմբագրական խորհուրդի անդամ, դոկտոր Վիգէն Թիւֆենքճեանը ներկայացուց հանդէսի հակիրճ պատմականը: «Բագին»-ի այսօրուան եւ ապագայի ուղենիշներուն մասին խօսեցաւ խմբագիր Սոնիա Քիլեճեան-Աճեմեանը: Խօսքերուն յաջորդեց աշխուժ հարց ու պատասխան:

Զրոյցին իրենց մեկնաբանութիւններով մասնակից դարձան` գրականագէտ, թարգմանիչ Մարք` Նշանեանը, բանասէր, պատմաբան Յակոբ Չոլաքեանը, սփիւռքահայ մտաւորական Եսայի Հաւաթեանը, արձակագիր, պատմաբան Յովհաննէս Զատիկեանը, արձակագիր, «Բագին»-ի խմբագրական խորհուրդի անդամ Արամ Պաչեանը եւ ուրիշներ:

Աւարտին ներկաները առիթ ունեցան ծանօթանալու «Բագին»-ի վերջին թիւերուն եւ անոնցմէ տանելու իրենց հետ: