2012

Համազգայինի գրասէրներու խմբակի Ե. հաւաքը

նիւթ՝ Անդրանիկ Ծառուկեան
Թամար Տօնապետեան
Թորոնթօ, 10 Յունիս 2012
Փետրուար 2012-էն ի վեր, Համազգայինի գրասէրներու խմբակի հաւաքներուն ընդմէջէն, մասնակիցները զրուցեցին հայ մեծանուն բանաստեղծներու եւ արձակագիրներու մասին, որոնց իւրայատուկ ստեղծագործութիւնները սիրահար սրտեր ամոքած են, հայրենի քարին ու սարին լեզու տուած են, պանդուխտ հային՝ կանչող փարոս, անիրաւուած հոգիներու՝ յոյսի եւ լոյսի ցայտուն աղբիւր, զէն ու զրահ դարձած են, մանկութիւն չունեցող մարդոց կարծրացած արտաքինէն ներս խուժելով սրտաճմլիկ հոգեվիճակը մերկացուցած են

Հաւաք համալսարանական երիտասարդներու համար ....

Համազգայինի Ուսանողական Մշակութային Հաւաքը եզակի փորձառութիւն՝ հայ երիտասարդին համար
Թամար Տօնապետեան
Թորոնթօ, 2012
Աշխարհի չորս ծագերէն կու գան. գաղափարաբանական, յարանուանական, աշխարհագրական, ընկերային բոլոր տարբերութիւնները մէկ կողմ դրած՝ կու գան. զիրենք միացնողը հայ մշակոյթն է, հայրենի հողը:

Հմայուած է Չարենցի ստեղծագործութիւններով ...

Համազգայինի գրասէրներու խմբակի Զ. հաւաքի նիւթը՝ Գէորգ Էմին
Թամար Տօնապետեան
Թորոնթօ, Յուլիս 2012
Յուսադրիչ երեւոյթ է, Թորոնթոհայ գաղութի պարագային յատկապէս, երբ տեսնենք Թորոնթօ ծնած եւ հասակ առած երիտասարդներ, որոնք մեծ սիրով եւ հետաքրքրութեամբ կը սերտեն եւ վարակիչ եռանդով կը ներկայացնեն հայ գրող մը. այդ երիտասարդներէն են Ռազմիկ Մնացականեան, Մեղեդի Մնացականեան, Րաֆֆի Սարգիսեան, Տանիէլ Օհանեան, Ռուբէն Ճանպազեան, որոնց յաջորդական ներկայացումներն ու վարած զրոյցները անցեալ հինգ ամիսներու ընթացքին, յոյժ գնահատուեցան գրասէր հասարակութեան կողմէ: Համազգայինի գրասէրներու խմբակի առաջին հաւաքի ընթացքին, Թամար Նաճարեանի ցուցաբերած խանդավառութենէն իսկ զգալի էր որ Թամարն ալ սիրով պիտի ստանձնէ իր նախասիրած գրողներէն մին ներկայացնելու պատասխանատուութիւնը: Շիրազ-Էմին երկնտրանքին յաջորդեց իր դժուար որոշումը՝ Գէորգ Էմին:

Կարելի չէ կարդալ Ռէվքիէմը եւ չփշաքաղիլ...

Թորոնթօ, Օգոստոս 2012

Գրողի մը վաստակին արդար ըլլալու համար, նաեւ արդար ըլլալու համար կազմակերպող միութեան եւ ի վերջոյ՝ խնդրոյ առարկայ երիտասարդին, կարեւոր կը համարենք որ Համազգայինի գրասէրներու խմբակի հաւաքները բնորոշուին այնպէս ինչպէս որ են:

Հայ տպագիր գիրքը՝ 500 տարեկան

Մոնթրէալ, 7 սեպտեմբեր

Սանահին մասնաճիւղի Հայագիտական յանձնախումբ Հայ գրատպութեան 500-ամեակին առթիւ, Համազգային հայ կրթական եւ մշակութային միութեան Սանահին մասնաճիւղը, իր Հայագիտական յանձնախումբի կազմակերպութեամբ, պատրաստած է շարք մը միջոցառումներ ...

Համազգայինի գրական խմբակի Ա. հաւաքը

նիւթ՝ Վահան Տէրեան
Թամար Տօնապետեան
Թորոնթոհայ ամսաթերթ, Մարտ 2012
Միութենական կեանքի մէջ, յաճախ հրաշալի գաղափարներ մէջտեղ կու գան. սակայն, այլ եւ այլ պատճառներով, այդ գաղափարներէն մեծ մասը կը մնան գաղափարի բնոյթին մէջ: Շնորհաւորելի են անոնք, որոնք ի հեճուկս ամէն խոչընդոտի, իրենց թեւերը սոթտած, կը յաջողին գաղափարը վերացականէն դէպի շօշափելի իրականութիւն փոխադրել:

Յուզմունքի զգացումը մեզ պատեց ...

Թորոնթօ-Երեւան, Օգոստոս 2012

«Հայաստանը կը կանչէ» տարեկան ելոյթի բացառիկ յաջողութեամբ քաջալերուած՝ Պարախումբը ճամբայ պիտի ելլէր դէպի Երեւան, Հ.Հ. Սփիւռքի Նախարարութեան հրաւէրով՝ մասնակցելու «Իմ Հայաստան» փառատօնին: Ամիսներու լայնածաւալ ծրագրումը ի գործ դրուեցաւ ...

Կազմակերպութեամբ Թորոնթոյի «Գլաձոր» Մասնաճիւղի

Պարոյր Սեւակի մահուան 40-ամեակին ձօնուած յուշահանդէս
Գրիգոր Հոթոյեան
Մարտ, 2012
Կազմակերպութեամբ Թորոնթոյի Համազգային Հայ կրթական եւ մշակութային միութեան եւ բարձր հովանաւորութեամբ Գանատայի մօտ Հայաստանի Հանրապետութեան Արտակարգ եւ լիազօր դեսպան Տիար Արմէն Եգանեանի, Կիրակի, 26 Փետրուար 2012-ի երեկոյեան ժամը 6։00-ին, Հայ երիտասարդական կեդրոնի «Համազգային» թատերասրահին մէջ տեղի ունեցաւ հայ հանճարեղ բանաստեղծ Պարոյր Սեւակի դառնաղէտ մահուան 40-ամեակին նուիրուած յուշահանդէսը, որուն ներկայ գտնուեցան Գանատահայոց Էջմիածնական թեմի Առաջնորդ՝ Տ. Բագրատ Եպս. Գալստանեանը, Ս. Աստուածածին Հայաստանեայց Առաքելական եկեղեցւոյ Հոգեւոր հովիւ՝ Հայր Մեղրիկ Ծ. Վրդ. Բարիքեանը, Ս. Երրորդութիւն Հայաստանեայց Առաքելական եկեղեցւոյ Հոգեւոր հովիւ՝ Տէր Զարեհ Աւագ քհնյ. Զարգարեանը, Ս. Գրիգոր Լուսաւորիչ Հայ Կաթողիկէ եկեղեցւոյ Հոգեւոր հովիւ՝ Հայր Եղիա Ծ. վրդ. Գիրէջեանը, Վերապատուելի Եսայի Սարմազեանը, Համազգային Հայ Կրթական եւ Մշակութային Միութեան Կեդրոնական վարչութեան անդամ ընկ. Սիմոն Հասըրճեանը, Հայ կեդրոնի յարկին տակ գործող միութիւններու եւ կազմակերպութիւններու ներկայացուցիչներ, ներգաղթի դատաւոր Տիար Արիս Պապիկեանը եւ շուրջ 500 մշակութասէր ընկեր- ընկերուհիներ եւ ազգայիններ։

«Պետրոս Ադամեան» թատերախումբը կը ներկայացնէ՝

Մոնրէալ, Նոյեմբեր 2012

... տեղի ունեցաւ «Ապուշներու Ընթրիքը» կատակերգութեան ներկայացումը Մոնթրէալի Համազգային «Սանահին» մասնաճիւղի «Պետրոս Ադամեան» թատերախումբին կողմէ։ Ֆրանսիս Վեպէրի հանրածանօթ այս կատակերգութիւնը ներկայացուեցաւ ...

Համազգայինի գրական խմբակի Բ. հաւաքը

նիւթ՝ Համօ Սահեան
Թամար Տօնապետեան
Մարտ, 2012
Համազգային Հայ Կրթական եւ Մշակութային Միութեան «Գլաձոր» մասնաճիւղի երիտասարդ գրասէրներու խմբակին յառաջացումը, յուսադրիչ երեւոյթ մը կը նկատուի Թորոնթոյի հայ գաղութին մէջ. «Թորոնթոհայ» ամսաթերթի Մարտ 2012 թիւին մէջ անդրադարձանք Խմբակի առաջին հաւաքին մասին, որուն նիւթն էր հայ քնարերգակ բանաստեղծ՝ Վահան Տէրեանը (1885-1920), իսկ ներկայացնողը՝ երիտասարդ գրասէր՝ Ռազմիկ Մնացականեանը: